Thursday 24 January, 2008

ಹನಿಗವನಗಳು - ೧

’ಕಾಲ’ ಕೆಟ್ಟಾಗ

ಹಿಮಾಲಯದಷ್ಟು ಆಸೆಯಿಂದ
ಪ್ರಿಯತಮ ಕರೆದನು,
ಪ್ರಿಯೇ !!, ತುಸು ಕಾಲ ಬಾ ಇಲ್ಲಿ.
ಹಾಸಿಗೆ ಮೇಲಿದ್ದ ಅವಳು ಹೇಳಿದಳು
ಪ್ರಿಯಾ!!, ಒತ್ತು ಕಾಲ!, ಬಾ ಇಲ್ಲಿ.
____________________

ಸತಿ- ಪತಿ

ಸತಿಗೆ ಕೈಕೊಟ್ಟು ಪತಿ,
ಹುಡುಕಿದಾಗ ಸಿಕ್ಕಳು ರತಿ
ಅವಳಿಗೆ ಎತ್ತಿದನು ಹಣದ ಆರತಿ
ಅವನ ಬಾಳಾಯಿತು ಅಧೋಗತಿ.
__________________

ಪಾನ-ಪ್ರಾಣ

ಜನರಲ್ಲಿ ಹೆಚ್ಚುತ್ತಿದೆ ಧೂಮಪಾನ, ಮದ್ಯಪಾನ.
Generally, ಏನಿರಬಹುದು ಇದಕ್ಕೆ ಕಾರಣ?
ಈ ಚಟಗಳ ಬಿಡುವುದರ ಕಡೆ ಹರಿಸಿ ನಿಮ್ಮ ಗಮನ
ಇಲ್ಲವಾದರೆ ಹೋದೀತು ಪ್ರಾಣ... ಜೋಪಾನ..!!

Thursday 17 January, 2008

ಯಾಕೆ ಹೀಗೆ?

ಕರೆಯಲಿಲ್ಲ ನಾ ಮನೆಗೆ ಬಂದು,
ನೀ ಬಾಯೆಂದು;
ಏಕೆ ನೀ ಬಂದದ್ದು?

ಚಿತ್ರಿಸಲಿಲ್ಲ ನಾ ಕುಂಚವ ಹಿಡಿದು,
ನಿನ್ನಂದವನ್ನು ಇಂದು;
ಹೇಗೆ ನೀ ಕಾಣಿಸಿಕೊಂಡಿದ್ದು?

ಕೆತ್ತಲಿಲ್ಲ ನಾ ಶ್ರೀಗಂಧದ ಚೂರಿಂದ,
ನಿನ್ನ ರೂಪವನ್ನು;
ಹೇಗೆ ನೀ ಗೊಂಬೆಯಾದದ್ದು?