Saturday 3 December, 2011

.......ನಿನ್ನ ಹೆಸರೇನೆ?

ದಿನಕ್ಕೊಮ್ಮೆ ನಾಕು ನಿಮಿಷ ನೋಡಿ
ದಿನವೆಲ್ಲ ನೆನೆವಂತೆ ಮಾಡಿದೆಯಲ್ಲೇ
ನಿನ್ನ ಹೆಸರೇನೆ?

ಕಲ್ಪನೆಗೂ ಮೀರಿದ ಚೆಲುವಿರಲು
ನಿನ್ನೆದುರು ನುಡಿಯದಂತೆ ಮಾಡಿದೆಯಲ್ಲೇ
ನಿನ್ನ ಹೆಸರೇನೆ?

ನಿನ್ನ ಮೊಗದಿಂದ, ನಗುವಿನಿಂದ
ಚಂದಿರನ ನೆನೆಯದಂತೆ ಮಾಡಿದೆಯಲ್ಲೇ      
ನಿನ್ನ ಹೆಸರೇನೆ?

ಚೊಚ್ಚಲ ನೋಟದಲ್ಲೇ ನನ್ನೆದೆಗೆ
ಪ್ರೇಮ ಬಾಣ ಚುಚ್ಚಿದೆಯಲ್ಲೇ
ನಿನ್ನ ಹೆಸರೇನೆ?
 

Monday 4 April, 2011

ಬಡವನ ಬೆವರು

ಬಡವನ ಬೆವರಿದೆ ಭತ್ತದಲ್ಲಿ
ಬಡವನ ಬೆವರಿದೆ ಬದನೆಯಲ್ಲಿ
ಬಡವನ ಬೆವರಿದೆ ಬಟಾಣಿಯಲ್ಲಿ
ಬಡವನ ಬೆವರಿದೆ ಬಾಳೆಯಲ್ಲಿ


ಬಡವನ ಬೆವರಿದೆ ಬಂಗಲೆಯಲ್ಲಿ
ಬಡವನ ಬೆವರಿದೆ ಬಸದಿಯಲ್ಲಿ
ಬಡವನ ಬೆವರಿದೆ ಬೀದಿಯಲ್ಲಿ
ಬಡವನ ಬೆವರಿದೆ ಬಯಲಿನಲ್ಲಿ



ಬಡವನ ಬೆವರಿದೆ ಬೆಳ್ಳಿಯಲ್ಲಿ

ಬಡವನ ಬೆವರಿದೆ ಬಂಗಾರದಲ್ಲಿ
ಬಡವನ ಬೆವರಿದೆ ಬೂಟಿನಲ್ಲಿ
ಬಡವನ ಬೆವರಿದೆ ಬಾವುಟದಲ್ಲಿ