Tuesday 23 December 2008

ಹಿಡಿ ಪ್ರೀತಿ

ಚಿತ್ರಾರವರ ಬ್ಲಾಗಲ್ಲಿ "ಏನೂ ಬೇಡ.. ಒಂದು ಹಿಡಿ ಪ್ರೀತಿ ಕೊಡ್ತೀರಾ?!" ಲೇಖನ ಓದಿ ಆ ಸಾರಾಂಶವನ್ನೇ ಕವನದಲ್ಲಿ ಬರೆದಿದ್ದೇನೆ. ಇದರ ವಿಚಾರವೆಲ್ಲಾ ಆಕೆಯದ್ದೇ. ಅವರ ಅನುಮತಿಯಿಲ್ಲದೆ ಕವನ ಬರೆದಿದ್ದೆ. ಆಮೇಲೆ ಅವರೇ ತಮ್ಮ ಬ್ಲಾಗಿನಲ್ಲೂ ಈ ಕವನಕ್ಕೆ ಸ್ಥಾನ ಕೊಟ್ಟಿದ್ದಾರೆ. ಅವರಿಗೆ ವಂದನೆಗಳು.

ಪ್ರೀತಿ ಸಿಗದೆ ಜಗತ್ತಾಗಿದೆ ಕತ್ತಲು
ಯಾರು ಬರುವರು ಇದ ಬೆಳಗಲು?
ಸೂರ್ಯನೋ? ಸೋಮನೋ?

ಪ್ರೀತಿಯ ಹುಡುಕಿ ಬಳಲಿದೆ ಜೀವ
ಎಲ್ಲಡಗಿರ ಬಹುದು ಈ ಪ್ರೀತಿ?
ಸಂಸಾರದಲ್ಲೋ? ಸಂದೇಶಗಳಲ್ಲೋ?

ದಿನವೆಲ್ಲಾ ಅಹಿಂಸೆಯ ವರದಿ
ಮನದಲ್ಲಿ ನೋವಿನ ಸರದಿ
ಹೇಳುವುದೋ? ಬಿಡುವುದೋ?

ಹಿಡಿ ಪ್ರೀತಿಯ ಹಿಡಿಯುವ ಕೈಯಿಲ್ಲಿದೆ
ಹಿಡಿದ ಪ್ರೀತಿಯ ಕಿಡಿಯಿಂದ*
ಜಗತ್ತನ್ನು ಬೆಳಗಿಸುವ ಜೀವವಿಲ್ಲಿದೆ!

--
*"ಪ್ರೀತಿಯ ಕಿಡಿಯಿಂದ"- ಇದು ನನ್ನ ಸ್ವಂತದ್ದು.

14 ಜನ ಸ್ಪಂದಿಸಿರುವರು:

Lakshmi S said...

super :)ಸಾರಾಂಶ ನ ಚೆನ್ನಾಗಿ ತಿಳಿಸಿದ್ದೀರಾ.

ಅಂತರ್ವಾಣಿ said...

ok ma thnx

shivu K said...

ಜಯಶಂಕರ್,

ಈ ಕವನ ಮತ್ತು ಫೋಟೊ ನೋಡಿ ನಾನು ಚಿತ್ರಾ ಬ್ಲಾಗಿನಲ್ಲಿ ಥ್ಯಾಂಕ್ಸ್ ಹೇಳಿಯಾಗಿದೆ. ನಾನು ಕೊಟ್ಟ ಥ್ಯಾಂಕ್ಸುಗಳನ್ನು ನೀವು ಅವರ ವ್ಯಾನಿಟಿ ಬ್ಯಾಗಿಗೆ, ಚಿತ್ರ ನಿಮ್ಮ ಕಿಸೆಗೆ ಒಬ್ಬರಿಗೊಬ್ಬರೂ ಬದಲಾಯಿಸಿಕೊಳ್ಳುತ್ತಿದ್ದಿರಲ್ಲ !

ಅಂತರ್ವಾಣಿ said...

ಶಿವಣ್ಣ,
ಇವತ್ತು ನಾವಿಬ್ಬರೂ ಒಪ್ಪಂದಕ್ಕೆ ಬಂದು... ಸಮವಾಗಿ ನಿಮ್ಮ ಥ್ಯಾಂಕ್ಸಗಳನ್ನು ಹಂಚಿಕೊಂಡಿದ್ದೇವೆ. :)

ನಿಮಗೂ ವಂದನೆಗಳು.

ಸಿಮೆಂಟು ಮರಳಿನ ಮಧ್ಯೆ said...

ಅಂತರ್ವಾಣಿ....

ಚಿತ್ರಾರವರ ಲೇಖನ ದಷ್ಟೇ..ಸಮರ್ಥವಾಗಿ ಬಂದಿದೆ ನಿಮ್ಮ ಕವನ...

ಈ ಪ್ರೀತಿಗಾಗೆ ಅಲ್ಲವೇ ನಾವೆಲ್ಲ ಪರಿತಪಿಸುವದು...
ಸ್ವಲ್ಪವೇ ಸಿಕ್ಕರೂ ಸಾಕು ಅನ್ನುತ್ತೇವೆ...
ಒಮ್ಮೆ ಸಿಕ್ಕ ಪ್ರೀತಿಯನ್ನು ಭದ್ರವಾಗಿಟ್ಟುಕೊಂಡುಬಿಡಿ..
ಹೋದರೆ ಮತ್ತೆ ಸಿಗುವದು ಅಪರೂಪ...
ಚಂದವಾದ ಕವನಕ್ಕೆ ಅಭಿನಂದನೆಗಳು...

Sushma Sindhu said...

ಹಾಯ್,
ಚೆನ್ನಾಗಿದೆ :)

ಚಿತ್ರಾ ಕರ್ಕೇರಾ ದೋಳ್ಪಾಡಿ.. said...

ಕವಿಗಳೇ ..ಕವನ ಬರೆದಿದ್ದಕ್ಕೆ ತುಂಬಾ ಧನ್ಯವಾದಗಳು. ಇನ್ನು ಮುಂದೆ ಬ್ಲಾಗಿನಲ್ಲಿ ಹಾಕಿದ ಚಿತ್ರಕ್ಕೆಲ್ಲ ಕವನ ಬರೆಯಿರಿ. ಚೆನಾಗಿರ್ತವೆ ನಿಮ್ ಕವನ.
@ಶಿವಣ್ಣ ನಾವಿಬ್ರೂ 50:50..ನಿಮ್ಮ ಕೃತಜ್ಷತೆಗಳನ್ನು ಸರಿಯಾಗಿ ಹಂಚಿಕೊಂಡಿದ್ದೀವಿ..ಇನ್ನು ಜಗಳ ಆಡೋಲ್ಲ ಆಯಿತಾ? ಮಂಡೆಬಿಸಿ ಮಾಡ್ಕೋಬೇಡಿ...
-ತುಂಬುಪ್ರೀತಿ,
ಚಿತ್ರಾ

ಅಂತರ್ವಾಣಿ said...

ಪ್ರಕಾಶಣ್ಣ,
ಸರಿಯಿದೆ ನೀವು ಹೇಳಿದ್ದು.

ಸುಷ್ಮಾ,
ವಂದನೆಗಳು

ಚಿತ್ರಾ,
ನಿಮ್ಮ ಬ್ಲಾಗಿನಲ್ಲಿರುವ ಎಲ್ಲಾ ಚಿತ್ರಗಳಿಗೆ ಕವನ ಬರೆಯುವ ಪ್ರಯತ್ನ ಮಾಡುತ್ತೇನೆ.

ತೇಜಸ್ವಿನಿ ಹೆಗಡೆ- said...

ಶಂಕರ್,

ಚೆನ್ನಾಗಿದೆ. ಕೊನೆಯ ಸಾಲುಗಳು ತುಂಬಾ ಇಷ್ಟವಾದವು.

ಅಂತರ್ವಾಣಿ said...

thnx tEju akka :)

Harish - ಹರೀಶ said...

ಹ್ಮ್ಮ್.. ನನ್ನ ಪರೀಕ್ಷೆಗೂ ಇದೆ ಥರ ಪದ್ಯರೂಪದಲ್ಲಿ ಸಾರಾಂಶ ಬರೆದುಕೊಟ್ಟಿದ್ದಿದ್ದರೆ.. :-(

ಅಂತರ್ವಾಣಿ said...

hari,
ninna pareekSheya bagge doDDa article bari.. adakke kavana roopa koDutteeni :)...

Parisarapremi said...

ಎಲ್ರೂ ಕವನ ಓದಿ ಗದ್ಯದಲ್ಲಿ ಸಾರಾಂಶ ಬರೆದರೆ, ನೀವು ಸೂಪರ್ ಕಣ್ರೀ, ವೈಸ್ ವರ್ಸಾ ನೀವು!! ;-)

ಒಂದು ಸಲಹೆ, ಕವನಗಳಿಗೆ ಚಿತ್ರಗಳನ್ನು ಹಾಕಬೇಡಿ ಅಂತ. ಕವನಗಳು ಓದುಗನ ಮನಸ್ಸಿನ, ಅನುಭವದ ಮತ್ತು ಕಲ್ಪನಾಶಕ್ತಿಯ ವ್ಯಾಪ್ತಿಯಲ್ಲಿರಬೇಕು ಎಂದು ನಾನು ನಂಬಿದ್ದೇನೆ. ಚಿತ್ರ ಹಾಕಿಬಿಟ್ಟರೆ, ಹ್ಯೂಮನ್ ಸೈಕಾಲಜಿ, ನಮ್ಮ ಮನಸ್ಸು ಆ ಚಿತ್ರಕ್ಕೇ ಕೇಂದ್ರೀಕೃತವಾಗುವಂತಾಗುತ್ತೆ. ನೋಡಿ ಯೋಚಿಸಿ.. ಇದೊಂದು ಸಲಹೆಯಷ್ಟೆ.

ಬೈ ದ ವೇ, ಕವನ ಸೊಗಸಾಗಿದೆ.

ಅಂತರ್ವಾಣಿ said...

ಅರುಣ್,
ವಂದನೆಗಳು.

ಕೆಲವೊಂದು ಚಿತ್ರ ನೋಡಿದಾಗ ಸ್ಫೂರ್ತಿ ಪಡೆದು ಅದಕ್ಕೆ ಕವನ ಬರೆದಾಗ ಮಾತ್ರ ನಾನು ಚಿತ್ರ ಬಳಸುತ್ತೇನೆ. [ಅದನ್ನು "ಚಿತ್ರ ಕವನ" ಅಂತ ವಿಭಾಗ ಮಾಡಿದ್ಡೇನೆ.] ಚಿತ್ರ ಬಳಸದಿರುವ ಸಲಹೆ ಕೂಡ ಚೆನ್ನಾಗಿದೆ.