Saturday 7 June 2008

ಫಿನ್ ಲ್ಯಾಂಡಿಗೆ ಪ್ರವಾಸ - ಮೊದಲೆನೆ ಬಾರಿ - ಹೊಟೆಲ್ ಒಳಗೆ

ಹಿಂದಿನ ಭಾಗ ಇಲ್ಲಿದೆ

ನಾವಿಬ್ಬರು, ನಮ್ಮ ಆಸ್ತಿಯೊಂದಿಗೆ ಹೊಟೆಲ್ ಒಳಗೆ ಹೋದ್ವಿ. ಹೋಟೆಲ್ದು, ಸ್ವಯಂಚಾಲಿತ ಬಾಗಿಲು. ನಾವು ಅದಕ್ಕೆ ಕಾಣಿಸಿಕೊಂಡ ತಕ್ಷಣವೇ, "ತರೆದಿದೆ ಬಾಗಿಲು, ಒಳಗೆ ಬನ್ನಿ ಅತಿಥಿ" ಅಂತ ನಮ್ಮನ್ನು ಬರ ಮಾಡಿಕೊಂಡಿತು. ನಾವು ಹೊಟೆಲ್ ಒಳಗೆ ಕಾಲಿಟ್ಟ ತಕ್ಷಣ ಅಲ್ಲಿಯ ಉಷ್ಣತೆ ಸುಮಾರು ೨೫ ಡಿಗ್ರಿಯಷ್ಟಿರ ಬಹುದೇನೋ ಅನ್ನಿಸಿತು. ನನ್ನ ಹಲ್ಲುಗಳು ನಾಟ್ಯವಾಡುವುದನ್ನು ನಿಲ್ಲಿಸಿದವು. ಮೈ ಮೇಲಿನ್ ಜರ್ಕಿನ್ ಬೇಡ ಅನ್ನಿಸಿತು. ಕೋತಿ ಟೋಪಿ ಕೂಡ ತೆಗೆದು ಬಿಟ್ಟೆ!. ಅಲ್ಲಿಂದ ನಾವು reception ಗೆ ಹೋದೆವು.

ನಮ್ಮ ನಿರೀಕ್ಷತೆಯಂತೆ, "Good Morning. How may I help you?" ಅನ್ನೋ ನುಡಿಗಳು ಕೇಳಿಸಿದವು.
"We are from India, and working for MNC here. A room should be booked in our names." ಅಂತ ಹೇಳಿದೆ. ಆಗ ಅವರು. "Could you tell your name sir?" ಅದಕ್ಕೆ ನಾವು, "Jayashankar" and "Renjith" ಅಂತ ಹೇಳಿದ್ವಿ. ಅವರ Database ನೋಡಿ, "Yes Sir. Rooms are booked for 28 Days. Kindly fill these forms Sir, I will hand over the keys".

ಎಲ್ಲಾ ಶಾಸ್ತ್ರಗಳು ಮುಗಿದ ಮೇಲೆ, ಕೀ ಕೊಡ್ತಾರೆ ಅಂತ ಕಾದೆ, ಆದರೆ ನನಗೆ Credit Card ನ್ನು ಹೋಲುವ ಒಂದು ಕಾರ್ಡ್ ಕೊಟ್ಟ. ಅದರ ಮೇಲೆ, ನನ್ನ Room number ಬರೆದಿತ್ತು, 820. ಅವನದು, 824.

ನಮ್ಮ ಆಸ್ತಿಗಳನ್ನು ಎಳೆದು ಕೊಂಡು, lift ಬಳಿ ಹೋದ್ವಿ. ಅದರ ಒಳಗೆ ಹೋದ್ವಿ. 8 ಅನ್ನು ಒತ್ತಿದೆವು. ಆದರೆ ಲಿಫ್ಟ್ ಮೇಲೇರಲಿಲ್ಲ! ಏನಾಯಿತು ಅಂತ ಯೋಚನೆ ಮಾಡ್ತಾಯಿದ್ವಿ. ಅಷ್ಟರಲ್ಲಿ, ಬೇರೊಬ್ಬ ಬಂದ, ತನ್ನ, ರೂಮ್ ಕೀ (ಕಾರ್ಡ್)ನ್ನು ಲಿಫ್ಟಿನ ಒಂದು ಜಾಗದಲ್ಲಿ Insert ಮಾಡಿ, ತೆಗೆದೆ. ಆನಂತರ ಅವನು ಹೋಗಬೇಕಿದ್ದ Floor ನ button ಒತ್ತಿದ. ಆಮೇಲೆ ನಾವು, ಒಂದು ಕಾರ್ಡ್ ಹಾಕಿ, 8 ನ್ನು ಒತ್ತಿದೆವು. ಲಿಫ್ಟು ತನ್ನ ಪ್ರಯಾಣ ಪ್ರಾರಂಭ ಮಾಡಿತು. ನಾವು 8 ನೆ ಮಹಡಿ ಬಂದ ಕೂಡಲೆ, ಲಿಫ್ಟಿನ ಹೊರಗೆ ನಡೆದೆವು.

ಸುತ್ತ ಮುತ್ತ ಕಣ್ಣು ಹಾಯಿಸಿದೆವು. ನಮ್ಮ ರೂಮಿನ ದಾರಿ ಕಾಣಿಸಿತು. ಆ ಕಡೆ ನಡೆದೆವು. ಮೊದಲಿಗೆ ನನ್ನ ರೂಮ್ ಸಿಕ್ಕಿತು.

ನನ್ನ ಬಳಿ ಇದ್ದ ಆ ಕಾರ್ಡನ್ನು ಬಾಗಿಲಿಗೆ ಹಾಕಿ ತೆಗೆದೆ. ನಂತರ ಬಾಗಿಲು ತೆಗೆದೆ. ಒಳಗೆ ಹೋಗಿ, ನನ್ನ ಆಸ್ತಿಗಳನ್ನು ಇಟ್ಟೆ.ನಾನು ಗುರುವಾರದ ಸ್ನಾನ ಮಾಡಲು, ಎಲ್ಲ ವಸ್ತ್ರಗಳನ್ನು ತೆಗೆದು ಕೊಂಡು ಬಚ್ಚಲ ಮನೆಗೆ ಹೋದೆ. ಅಲ್ಲಿದ್ದ ಶವರ್ರಿನ ಅದ್ಯಾವುದೋ ಭಾಗವನ್ನು ತಿರುಗಿಸಿ, ವಿಪರೀತ ಬಿಸಿ ನೀರು ಹರಿದು ಬಂದು ನನ್ನ ಕೈಗೆ ಚುರುಕು ಮುಟ್ಟಿಸಿತು. ಆಮೇಲೆ ಇನ್ನೊಂದು ಕಡೆಯಲ್ಲಿ ತಿರುಗಿಸಿದಾಗ ವಿಪರೀತ ತಣ್ಣನೆ ನೀರು ಹರಿದು ಬಂದಿತು. ಇಷ್ಟೆ ಇದರ ತತ್ವ ಅಂತ ತಿಳಿಯಿತು. ಸ್ನಾನ ಆದಮೇಲೆ ಪ್ರತಿದಿನದಂತೆ ದೇವರಿಗೆ ಕೈ ಮುಗಿಯೋದು. ನಾನು ಮನೆಯಿಂದ ಹೊರಗಡೆ ಹೋಗೋವಾಗ ಬರಿದಾದ ಹಣೆಯಲ್ಲಿ ಹೋಗುವವನಲ್ಲ! ಕುಂಕುಮವೋ ಅಥವಾ ವಿಭೂತಿಯೋ ಇಟ್ಟೇ ಹೊರಡೋದು. ಫಿನ್ ಲ್ಯಾಂಡಿನಲ್ಲಿ ಕುಂಕುಮ ಎಲ್ಲಿಂದ ತರಲಿ?? ಅದಕ್ಕೆ ಭಾರತದಿಂದಲೇ ತಂದಿದ್ದೆ.
ಮೊದಲಿಗೆ ಎರಡು ಫೋಟೋಗಳನ್ನು ಟೇಬಲ್ಲಿನ ಮೇಲೆ ಇಟ್ಟು, ತಾಯಿ ಹಾಗು ಮಗನಿಗೆ ನಮಸ್ಕರಿಸಿ, ಆಫೀಸಿಗೆ ಹೊರಟೆ. ನನಗೆ ಸಂಬಂಧಿಸಿದ ಆಸ್ತಿಗಳನ್ನು ಚಿಕ್ಕ ಬ್ಯಾಗಿನಲ್ಲಿ ಇಟ್ಟು, ಸ್ನೇಹಿತನ ರೂಮಿನೆಡೆಗೆ ಹೋದೆ.

ಅವನೂ ಸಹ ತಯಾರಾಗಿದ್ದ. ಇಬ್ಬರೂ ಲಿಫ್ಟಿನಲ್ಲಿ ಇಳಿದೆವು. ಇಲ್ಲಿ ಒಂದು ವಿಷಯವೇನೆಂದರೆ, ಇಳಿಯುವಾಗ ನಾವು ನಮ್ಮ ಕಾರ್ಡನ್ನು ಅದಕ್ಕೆ ತೋರಿಸಬೇಕಿಲ್ಲ! ಈ ವಿಷಯ ಗೊತ್ತಿಲ್ಲದೆ, ತೋರಿಸಿದ್ವಿ. ಏನೂ ತೊಂದರೆ ಆಗಲಿಲ್ಲ. ಹೊಟೆಲಿಂದ ಹೊರಗೆ ಹೋದ್ವಿ. ಆ ಟ್ಯಾಕ್ಸಿ ಚಾಲಕ ಹೇಳಿದ ದಾರಿ ನಮ್ಮ ಕಣ್ಣಿಗೆ ಕಾಣಿಸುತ್ತಾಯಿತ್ತು. ಆ ಕಡೆಗೆ ಹೊರಟೆವು. ನಾವು ಆ ದಾರಿಯನ್ನು ಸಮೀಪಿಸುತ್ತಿದ್ದಂತೆಯೇ, ನಮ್ಮ ಕಂಪನಿಯ ನಾಮಫಲಕ ದೊಡ್ಡದಾಗಿ ಕಾಣಿಸಿತು. ಅದು ಮೈನ್ ರೋಡಿನಲ್ಲೇ ಇತ್ತು. ನಮ್ಮ ಆಫೀಸಿನ reception ಬಳಿ ಹೋದಾಗ, "Good Morning!." ಅಂತ ಸಂದೇಶ ಕೇಳಿಸಿತು.

[ಆಫೀಸಿನಲ್ಲಿ ಏನಾಯ್ತು ಅಂತ ಮುಂದಿನ ಭಾಗದಲ್ಲಿ ]

8 ಜನ ಸ್ಪಂದಿಸಿರುವರು:

ತೇಜಸ್ವಿನಿ ಹೆಗಡೆ- said...

Interesting!

sunaath said...

----"----

Lakshmi S said...

ha ha ha... card swipe maadade lift hOgalu kaaytidra ??? raama raama !!! narration tumbaa chenaagide...intersting !

ಅಂತರ್ವಾಣಿ said...

Lakshmi,

Five Star hotels nalli Stay maadi abhyaasa iralilla nanage.. so wait maaDtha idde

Lakshmi S said...

oh haage !! naanu onderadmoornaalk sala 5 star hotel nalli stay maado paristhitigaLU bandiddrinda nange abhyaasa ide ashte...illandre naanu miki miki nodirtidde

ಶ್ರೀಧರ ರಾಜು said...

chennagide system -u...card haaki melak hattodu... :-) madhya madhya sumne nillo kelsa tapputte...aadru neenu room no iro photo yaak haakde antha gottaglilla... ;-)

Harish - ಹರೀಶ said...

420 ಅಲ್ಲ, 820 ನೇ ಅಂತ ತೋರ್ಸಕ್ಕೆ ಫೋಟೋ ಹಾಕಿದೀರಾ?

ಅಂತರ್ವಾಣಿ said...

ಹರೀಶ,

ಈ ಪ್ರಶ್ನೆ ಯಾರೂ ಕೇಳಿರಲಿಲ್ಲ ಅಂತ ಅಂದುಕೊಂಡಿದ್ದೆ. ನೀವು ಕೇಳಿಯೇ ಬಿಟ್ಟಿರಿ... :(