Thursday 19 June 2008

ಮಹಾನ್ ಸತ್ಯ ಹರಿಶ್ಚಂದ್ರ

ಕೆಲವು ದಿನಗಳ ಹಿಂದೆ ನಡೆದ ಸತ್ಯ ಘಟನೆ. ನನ್ನ ಆಫೀಸಿನ ಬಸ್ಸಿನಲ್ಲಿ ಬರುವ ನನ್ನ ಸಹೋದ್ಯೋಗಿ (ಹೆಸರು ಬೇಡ.. ಸದ್ಯಕ್ಕೆ ಅವರನ್ನು ಬಮಿ[ಬಸ್ ಮಿತ್ರ] ಅಂತ ಕರೆಯುತ್ತೀನಿ) ಹಾಗು ನನ್ನ ನಡುವೆ ನಡೆದ ಒಂದು ಗಂಟೆಯ ಮಾತುಕತೆಯ ಮಧುರ ಚಣವನ್ನು ನಿಮ್ಮ ಮುಂದೆ ಹೇಳುತ್ತೇನೆ.

ನನ್ನ ಎಂದಿನ ದಿನಚರಿಯಂತೆ ಬಸ್ಸು ಏರಿದ ನಂತರ, ಕರ್ಣಗಳಿಗೆ ಶಾಸ್ತ್ರೀಯ ಸಂಗೀತ ಕೇಳುವ ಬಯಕೆ ತೀರಿಸೋದು. ಆದರೆ ಆ ದಿನ ಆ ಬಮಿ ನನ್ನ ಮುಂದಿನ ಆಸನದಲ್ಲಿ ಆಸೀನರಾಗಿದ್ದರು. ಬಹಳ ದಿನಗಳ ನಂತರ ಅವರನ್ನು ಮಾತಾಡಿಸೋಕೆ ಕಾಲ ಕೂಡಿ ಬಂದಿತು.

ನಾನು: ಹಾಯ್! ಹೇಗಿದ್ದೀರ?
ಬಮಿ: ಚೆನ್ನಾಗಿದ್ದೀನಿ ಶಂಕರ್.
ನಾನು: ಕೆಲಸ ಹೇಗಿದೆ?
ಬಮಿ: ಅದು ಕೂಡ ಸೂಪರ್!

ನನ್ನ ಕರ್ಣಗಳ ಆಸೆ ಪೂರೈಸೋಕೆ ನನ್ನ ಫೋನನ್ನು ತೆಗೆದೆ. ಆದರೆ, ಅವರೊಂದಿಗೆ ಮಾತಾಡದಿದ್ದಲ್ಲಿ ತಪ್ಪಾಗುತ್ತೆ ಎಂದು ಸುಮ್ಮನಾದೆ. ಅವರು ಬೇರೆ ವಿಚಾರಗಳನ್ನು ಮಾತಾಡಿದರು. ನಾನು ಸಮಂಜಸವಾಗಿಯೇ ಮಾತಾಡಿದೆ.

ಈ ಬಮಿ ಬಗ್ಗೆ ಎರಡು ವಿಚಾರ ಸ್ಪಷ್ಟ ಮಾಡುತ್ತೇನೆ. ಈತ ಬಸ್ಸಿನಲ್ಲಿ ಮಲಗಿದ್ದರೂ ಕಷ್ಟ! ಎಚ್ಚರ ಇದ್ದರೂ ಕಷ್ಟ!.. ಮಲಗಿದ್ದರೆ.... ಇವರ ಗೊರಕೆಯ ಶಬ್ದ ಕೇಳಲಾಗದು. ಎಚ್ಚರವಿದ್ದರೆ... ನನ್ನ ನಿಲ್ದಾಣ ಬರುವವರೆಗು ನನ್ನ ಜೊತೆ ಮಾತಾಡುತ್ತಾರೆ..."Bye. ನಾಳೆ ಮತ್ತೆ continue ಮಾಡೋಣ" ಅಂತಾರೆ. ಈತ "ಮಾತಿನ Machine" ಗಳಿಗೆ ಸರಿ! ನನಗಲ್ಲ.

ನಂತರ, ಈ ಬಮಿ 180 ಡಿಗ್ರಿಗೆ ತಿರುಗಿ ಕೂತ, ನನ್ನ ಜೊತೆ ಮಾತಾಡಲು ಅನುಕೂಲವಾಗುವಂತೆ. ಯಾವುದೋ ವಿಚಾರ ತೆಗೆದು ಮಾತು ಪ್ರಾರಂಭಿಸಿದ. ಸ್ವಲ್ಪ ಸಮಯದಲ್ಲೇ ತುಂಬಾ ಕುತೂಹಲ, ವಿಸ್ಮಯಕಾರಿ ನುಡಿಗಳು ನನ್ನ ಕಿವಿಗಳಿಗೆ ಬಿತ್ತು. ಅವನ್ನು ನಿಮ್ಮ ಮುಂದೆ ಬರೆಯುತ್ತಾಯಿದ್ದೇನೆ.

ಬಮಿ: ನಾನು High School ಓದುತ್ತಾಯಿರೋವಾಗ...International Cannes Film Festival ಬೆಂಗಳೂರಿನಲ್ಲೇ ನಡೆಯಿತು. ನಮ್ಮ ಮನೆ ಹತ್ತಿರಾನೆ.. ಜಯನಗರದಲ್ಲಿ ಮಾಡಿದ್ದು. ಇದು 1986 ಇರಬೇಕು.
ನಾನು: ಹೋ! (ಮನದೊಳಗೆ: ಏನಾಯ್ತೋ ನಿನಗೆ?. ಬೇರೆ ಯಾವ ವಿಷಯ ಸಿಗಲಿಲ್ವಾ??)
ಬಮಿ: ಆಗ ನನಗೆ Holidays ಇತ್ತು. ನಾನು By chance school ಹತ್ತಿರ ಹೋದೆ. ನಮ್ಮ school auditorium ನಲ್ಲೆ function ಮಾಡಿದ್ದರು.
ನಾನು: ಹು. (ಕರ್ಮ!)
ಬಮಿ: ಅಲ್ಲಿಗೆ Hollywood ಎಷ್ಟೋ Stars ಬಂದಿದ್ದರು. Arnold Schwarzenegger, *** , *****
ನಾನು: ಹೌದಾ (ಬೇರೆ ನಟರ ಹೆಸರುಗಳು ನನ್ನ ಜ್ಞಾಪಕದಲ್ಲಿಲ್ಲ. Arnold ಗೊತ್ತಿತ್ತು... ಆದರೆ... Schwarzenegger ಹೆಸರನ್ನು google ಸಹಾಯದೊಂದಿಗೆ ಹುಡುಕಿದೆ. )
ಬಮಿ: ನಾನು ಅವರ ಜೊತೆ ಮಾತಾಡಿದೆ.
ನಾನು: Hmm (ನಿನ್ನ ಪುರಾಣ ಕೇಳಬೇಕಾ ನಾನು... ಕುಡಿದು ಕೊಂಡು ಬಂದಿದ್ದೀಯಾ?)
ಬಮಿ: ಆಮೇಲೆ ನಮ್ಮ classroom ನಲ್ಲಿ Mummy Filmದು shooting ಮಾಡ್ತಾಯಿದ್ದರು.
ನಾನು: ಹು. (ಥು. ನಿನ್ನ)
ಬಮಿ: ಆವಾಗ Computer Technology ಇರಲಿಲ್ಲ ಅದಕ್ಕೆ Mechanical creature ಥರ ಮಾಡಿದ್ದರು. Mummy Film ನಲ್ಲಿ ಯಾವುದೋ ಒಂದು ಪ್ರಾಣಿ ಬರುತ್ತೆ ಅದರ ಹಾಗೆ ಕಾಣುವಂತೆ ಇತ್ತು. ಅದರೊಳಗೆ ಮನುಷ್ಯ ಹೋಗಿ ಅದರ movements ಕೊಡ್ತಾನೆ. ನಾನು ಅದರೊಳಗೆ ಹೋಗಿ Try ಮಾಡಿದೆ. ಆದರೆ movement ಕೊಡೋಕೆ ಆಗಲಿಲ್ಲ. ನೋಡಿ Mummy release ಆಗಿದ್ದು 1999-2000 ಅನ್ನಿಸುತ್ತೆ. ಆದರೆ ಅದರ shooting 1986 ಇಂದ start ಮಾಡಿದ್ದರು.
ನಾನು: ಹೌದು.
ಬಮಿ: ನಾನು ಒಂದು ಸಲ ಗುಲ್ಬರ್ಗಾದಲ್ಲಿ ಇದ್ದಾಗ ಎರಡು English Movie shooting ನಡೆಯುತ್ತಾಯಿತ್ತು. ನಾನು ಕಾಲೇಜಿನ campus ಇಂದ ನೋಡಿದೆ. ಅಲ್ಲಿ ಹೋಗಿ ಎಲ್ಲಾರನ್ನು ಮಾತಾಡಿಸಿದೆ. ಎಲ್ಲಾರು ತುಂಬಾ ಚೆನ್ನಾಗಿ ಮಾತಾಡಿದರು. ಆದರೆ ಅವರು ಯಾರು Media Persons ಅಂತ ನನಗೆ ಗೊತ್ತಿರಲಿಲ್ಲ... ನಾನು Media people ಹಾಗೆ.. ಹೀಗೆ ಅಂತ ತುಂಬಾ ಬೈತಾಯಿದ್ದೆ. ಯಾರು ಮಾತಾಡಲೇ ಇಲ್ಲ.
ನಾನು: (ಬೆಂಗಳೂರಿಂದ ಗುಲ್ಬರ್ಗಾಗೆ ಹೋದ್ಯಾ?)
ಬಮಿ: ಯಾವುದೋ Train Chasing scene...
ನಾನು: (ನೀನು ಬಿಡ್ತಾಯಿರೋದಕ್ಕಿಂತ ದೊಡ್ಡ Train ಅದಾ?)
ಬಮಿ: ಇವೆಲ್ಲಾ ಯಾವಗ ನನಗೆ ಗೊತ್ತಾಯ್ತು ಅಂದರೆ recent ಆಗಿ Star Movies ನಲ್ಲಿ Mummy ನೋಡ್ತಾಯಿದ್ದೆ. ಆಗ ಇವರನ್ನೆಲ್ಲಾ ಮುಂಚೆನೆ ಎಲ್ಲೋ ನೋಡಿದ್ದೀನಿ ಅನ್ನಿಸಿತು. ಹಾಗೆ ಜ್ಞಾಪಕ ಮಾಡಿಕೊಂಡೆ, ಗೊತ್ತಾಯ್ತು, ಇವರನ್ನು Film Festival ನಲ್ಲಿ ನೋಡಿದ್ದೀನಿ ಅಂತ.....
ನಾನು: ಹು
ಬಮಿ: ನಾನು ಹೀಗೆ ಎಷ್ಟೋ Media People ಜೊತೆ ಮಾತಾಡಿರ್ತೀನಿ.. ಅವರನ್ನು ಹಿಗ್ಗಾ ಮುಗ್ಗಾ ಬೈದಿರ್ತೀನಿ. ಆದರೆ ಅವರು Media ದವರು ಅಂತ ನನಗೆ ಗೊತ್ತೇ ಇರೋದಿಲ್ಲ.. (ಜೋರು ನಗು)
ನಾನು: (ಅದಕ್ಕಿಂತ ಜೋರು ನಗು....)
ಬಮಿ: ಆಮೇಲೆ ನಾನು ಸೊಲ್ಲಾಪುರ್ ದಲ್ಲಿ ಒಂದು Shooting ನೋಡುತ್ತಾಯಿದ್ದೆ... 5-6 years ಹಿಂದೆ. ನಿಮಗೆ ಕರೀನಾ ಕಪೂರ್ ಗೊತ್ತಲ್ವಾ?
ನಾನು: (ಅವಳು ನನ್ನ ಅತ್ತೆ ಮಗಳು)
ಬಮಿ: ಅವಳು ಮತ್ತೆ ಶಾಹೀದ್ ಕಪೂರ್ act ಮಾಡ್ತಾಯಿದ್ದರು. ಅದು ಯಾವ್ Film ಗೊತ್ತಾ? "Jab we Met". ನೋಡಿ ಎಷ್ಟೂ ವರ್ಷ ಆದಮೇಲೆ release ಆಗ್ತಾಯಿದೆ ಅಂತ....(ನಗು)
ನಾನು: (ನಗು)
ಬಮಿ: ನಾನು ಜಬ್ ವಿ ಮೆಟ್ ನೋಡಿದಾಗ ಇವರಿಬ್ಬರನ್ನೂ ಎಲ್ಲೋ ನೋಡಿದ್ದೀನಿ ಅನ್ನಿಸಿತು... ಆ shooting locations ನೋಡಿದ್ದೀನಿ ಅನ್ನಿಸಿತು..
ನಾನು: (ಇನ್ನು ಏನೇನು ಅನ್ನಿಸಿತು....?)
ಬಮಿ: ಆಮೇಲೆ ಗೊತ್ತಾಯ್ತು...
ನಾನು: ಹು.
ಬಮಿ: ಆಮೇಲೆ, ನಾನು ಹೊಸೂರಿನಲ್ಲಿ ಒಂದು ಕಡೆಯಿದ್ದೆ. ಅಲ್ಲಿ ಸದಾ ಹೀರೋಯಿನ್ನು, ಸೂರ್ಯ ಹೀರೋ, ತ್ರಿಷಾ ಅವರೆಲ್ಲಾ ಇದ್ದರು.. ಅವರನ್ನೆಲ್ಲಾ ಮಾತಾಡಿಸ್ತಾಯಿದ್ದೆ.. ಈಗ ಕನ್ನಡದಲ್ಲಿ ಹೀರೋಗಳು ಇದ್ದಾರಲ್ವ? ಸುದೀಪ್, ಗಣೇಶ್ ಅವರೆಲ್ಲಾ, ಹುಬ್ಬಳ್ಳಿ ಹತ್ತಿರ Training ತೊಗೋತಾಯಿದ್ದರು...ಸ್ವಲ್ಪ ವರ್ಷ್ಗಳ ಹಿಂದೆ....ಈಗ ನೋಡಿ ಎಷ್ಟು ದೊಡ್ಡ Star ಆಗಿದ್ದಾರೆ...
ನಾನು: ಹೌದಾ?(Hollywood, bollywood, tollywood, sandalwood ಎಲ್ಲಾರ Contact ಇದೆ ನಿನ್ನ ಹತ್ತಿರ.....)
ಬಮಿ: ಜಯನಗರದಲ್ಲಿ ನನ್ ಮನೆ oppositege ಒಂದು ದೊಡ್ದ ಮನೆಯಿತ್ತು. Business Man ಅನ್ಸುತ್ತೆ.. ಅವರ ಮನೆಯನ್ನು Shooting studio ಥರ use ಮಾಡ್ತಾಯಿದ್ದರು..
ನಾನು: ಹು. (ಇದೊಂದು ಮಾತು ಸ್ವಲ್ಪ ಮಟ್ಟಿಗೆ ನಂಬೋತರಹ ಇದೆ...)
ಬಮಿ: ಆ ಮನೇಲಿ ಎಷ್ಟು Film shooting ಆಗಿದೆಯೋ ಲೆಕ್ಕಾನೆ ಇಲ್ಲ! English movie shooting ನಡಿತಾಯಿತ್ತು. ಒಂದು movie ಇದೆ... ***** ಅದರಲ್ಲಿ swimming pool scene ಬರುತ್ತೆ ಅದನ್ನು ಇವರ ಮನೇಲೆ shooting ಮಾಡಿದ್ದ್ರು.
ನಾನು: ಹೋ! (ಹೆಸರು ನೆನಪಿಲ್ಲ.... )
ಬಮಿ: ಆ ಮನೇಲಿ ಒಬ್ಬ ಹುಡುಗಿ ಬಂದಿದ್ದಳು.. ನೋಡೋಕೆ ಚೆನ್ನಾಗಿದ್ದಳು. ಅವಳು ಕಪೂರ್ family ನವಳು ಅಂತ ಗೊತ್ತಿತ್ತು. ಆದರೆ ಯಾರು ಅಂತ ಗೊತ್ತಿರಲಿಲ್ಲ....ಯಾವುದೋ Dance practice ಮಾಡ್ತಾಯಿದ್ದಳು.. ಅದು ಯವ್ದು ಗೊತ್ತಾ? Recent ಆಗಿ Don movie ಬಂತು ಅಲ್ವಾ?
ನಾನು: ಏ ಮೆರಾ ದಿಲ್.....
ಬಮಿ: ಅದೆ ನೋಡಿ..ಅವಳು ಕರೀನಾ ಅಂತ ಆ Film release ಆದಮೇಲೆ ಗೊತ್ತಾಯ್ತು. She has been practising for one song from long time....
ನಾನು: (ಅವಳು ಮುಂದೆ ಇದನ್ನು ಹೇಳು....)
ಬಮಿ: ನಾನು International Level ನಲ್ಲಿ ಒಂದು political party ಮಾಡಬೇಕು ಅಂತ ಇದ್ದೀನಿ..
ನಾನು: ನಿಜ. ಒಂದು International level party ಬೇಕೇ ಬೇಕು... ನೀವು ಮಾಡಿ...
ಬಮಿ: ನಾನು Hitech movie ಮಾಡಬೇಕು ಅಂತ.. ಇದ್ದೀನಿ.. Hollywood ನಲ್ಲೇ ಮಾಡುತ್ತೀನಿ. ಅದಕ್ಕೆ ಅಲ್ಲಿ ಹೋಗ ಬೇಕು first. ಅದಕ್ಕೆ ನನ್ನ manager ge request ಮಾಡಿಕೊಂಡಿದ್ದೀನಿ... ನನ್ನ Los Angeles branch ಗೆ Transfer ಮಾಡಿಸೋಕೆ.. ತುಂಬಾ pressure ಹಾಕುತ್ತಾಯಿದ್ದೀನಿ....
ನಾನು: (ಹಾಕು ಹಾಕು)
ಬಮಿ: ಅದಕ್ಕೆ onsite manager ge phone ಮಾಡಿ ಮಾತಾಡಿದ್ದೀನಿ. Los Angeles ನಲ್ಲಿ ನಮ್ಮ project ಇದೆ ಅಲ್ವಾ? ಅಲ್ಲಿಗೆ ನನ್ನ recommend ಮಾಡಿ ಅಂತ ಕೇಳಿದ್ದೀನಿ.
ನಾನು: ಹು
ಬಮಿ: ಹೇಗು ನನಗೆ ಎಲ್ಲಾ Stars ಪರಿಚಯ ಆಗಿದೆ. ಈಗ ಅವರಿಗೆ ಮತ್ತೆ ಹಳೇದನ್ನು ಜ್ಞಾಪಿಸಿ ಮತ್ತೆ Contact re-establish ಮಾಡ್ಕೋಬೇಕು...
ನಾನು: ಮಾಡಿ..

ಅಷ್ಟರಲ್ಲಿ ಅವರಿಗೆ ಒಂದು ಕರೆ ಬಂತು... ಫೋನು ತೆಗೆದು ಮಾತಾಡಲು ಪ್ರಾರಂಭಿಸಿದರು... ನಾನು ನನ್ನ FM on ಮಾಡಿಕೊಂಡು ನಿದ್ದೆ ಬಂದವನಂತೆ ನಟಿಸುತ್ತಾ ಸೀಟಿಗೆ ಒರಗಿಕೊಂಡೆ.....(ಫೋನ್ ಮಾಡಿದವರನ್ನು ವಂದಿಸುತ್ತಾಯಿದ್ದೆ....)

8 ಜನ ಸ್ಪಂದಿಸಿರುವರು:

ತೇಜಸ್ವಿನಿ ಹೆಗಡೆ- said...

ಶಂಕರ್,

ತುಂಬಾ ಚೆನ್ನಾಗಿದೆ..;-) ಇಂತಹ ಸುಳ್ಳು (ಸತ್ಯ) ಹರಿಶ್ಚಂದ್ರರು ತುಂಬಾ ಜನ ಇದ್ದಾರೆ. ನನಗೂ ಅನುಭವವಾಗಿದೆ.

lakshmi said...

uhahahahahahahaha !!!!!!!!!!!!!!!!!!!!!!! hilarious comedy ri jayashankar !!! nakku nakku sakaagoytu !!! seriously !!! sakhathaagide !!!!

by the way , kareena kapoor nim atte magaLa ? [:P]

Radha said...

naanu aa phone maadidhavarna channagi baikonthdini.. Inondu swalpa doora rail oodsbekithu.. Che intha oLLe article iste chickadaithu.. :( But super comedy.. Hats off Sir.. U are at Ur best in this article.. :-)

sunaath said...

ನಿಮ್ಮ ಬಮಿಯವರು ನಿಜವಾಗಲೂ ಅಮೆರಿಕೆಗೆ ಹೋದರೆ,
"ಇದೇ ಮಹಾಸುದಿನ" ಎಂದು ಹಾಡಬಹುದು!

Harish - ಹರೀಶ said...

ನನ್ನ ಗೆಳೆಯನೊಬ್ಬನಿದ್ದಾನೆ.. ಏನೂ ಲಾಭವಿಲ್ಲದೆಯೇ ಸುಳ್ಳು ಹೇಳುವ ಚಟ. ಈಗೀಗ ಅವನನ್ನು ನಂಬುವುದನ್ನೇ ಬಿಟ್ಟುಬಿಟ್ಟಿದ್ದೇವೆ

ಅಂತರ್ವಾಣಿ said...

ಹರೀಶ್,

ಅಂತರ್ವಾಣಿ ಕೇಳಿದಕ್ಕೆ ಧನ್ಯವಾದಗಳು.
ಆಗಾಗ ಬಂದು ಕೇಳುತ್ತಾಯಿರಿ.

Male 21 bangalore said...

great thing JS, ellara group allu ee tharada machines idde irtare. idrene maja.. :) good narration JS. Good topic. naanu nam company bus alli hogtini, luckily nam bus alli Joragi FM hakbidtivi. Avoiding the expected.. :)

ಅಂತರ್ವಾಣಿ said...

ಬೆಂಗಳೂರಿನ ೨೧ರ ಹರೆಯ,
ಧನ್ಯವಾದಗಳು :)