ಚುರುಮುರಿ

[ ನನ್ನ ಸ್ನೇಹಿತರ ಅಂತರ್ಜಾಲ ತಾಣವಾದ churumuri ಯ ಕುರಿತಾಗಿ ರಚಿಸಿದ ಕವನ.]

ಸಿಹಿ, ಖಾರ, ರುಚಿ ಭರಿತ ಚುರುಮುರಿ
ತಿನ್ನುವೆವು ದಿನಕ್ಕೆ ಹಲವಾರು ಬಾರಿ

ನಿಮ್ಮ ಒಡನಾಡಿಗಳಿಗೆ ಇದರ ಬಗ್ಗೆ ಸಾರಿ

ಅವರೆಲ್ಲರನ್ನು ಇಲ್ಲಿ ಸೇರಿಸಿರಿ.

ಜನರ ಪರಿಚಯ ಪಡೆದು,
ಹರಟೆ ಹೊಡೆಯಬಹುದು.

ಘೋಷಣೆ ಕೂಗಿ ಸಮಾಲೋಚಿಸಬಹುದು

ಸೂಚನೆ ಕೊಟ್ಟು, ಮುಂದೆ ನಡೆಸಬಹುದು

ಬೇಡಿಕೆ ಇಟ್ಟು, ನಂತರ ಪಡೆಯಬಹುದು

ನಾಡು-ನುಡಿಯ ಬಗ್ಗೆ ಕೂಗಿ ಹೇಳಬಹುದು

ಕಲೆ-ಸಾಹಿತ್ಯದ ಬಗ್ಗೆ ಸಾರಬಹುದು

ಪುಸ್ತಕಗಳ ವಿಚಾರ ತಿಳಿಯಬಹುದು

ಮಾಹಿತಿಯ ಕಣಜವೇ ಇಲ್ಲಿರುವುದು

ತಂತ್ರಜ್ಞಾನದ ವಿಚಾರವೂ ಸೇರುವುದು!

ಯೋಗ, ಆರೋಗ್ಯ,ಜ್ಯೋತಿಷ್ಯದ ಚರ್ಚೆಯೂ ಇರುವುದು

ಕ್ರೀಡೆ, ಚಲನಚಿತ್ರ, ಸಂಗೀತ ಲೋಕವೇ ನೆಲಸಿರುವುದು

ಮಹಿಳೆಯರಿಗೆ, ಪಾಕ ಶಾಲೆ, ಶೃಂಗಾರ ಲೋಕ

ಹುಡುಗರಿಗೆ, ಹುಡುಗಾಟದ ತಾಣ, ಮೋಜಿನ ಲೋಕ

ಕೊಟ್ಟಿದೆ ಇದು ಕನ್ನಡಕ್ಕೆ ಆದ್ಯತೆ!
ಸಲ್ಲಬೇಕು ಕೆಲವರಿಗೆ ಮಾನ್ಯತೆ.