ಬಿನ್ನಹ

[ ನನ್ನ ಜೊತೆ ಸದಾ ಇರುವ ಹಾಗು ನನ್ನ ಬರಹಕ್ಕೆ ಕಾರಣನಾದ ಪರಮಾತ್ಮನಿಗೆ ಬಿನ್ನಹ]

(1)

ಪ್ರಾಮಾಣಿಕ ಪ್ರಯತ್ನ ಮಾಡುವೆ ನಾನು,
ಪಲಿತಾಂಶ ಹೇಳುವವ ನೀನು
ಪಂಡಿತನಲ್ಲ, ಪಾಮರ ನಾನು!
ಪ್ರಸಾದ ಬೇಡಿ ಬಂದಿಹೆನು

(2)

ಯೋಗ್ಯತೆ ನಿರ್ಧರಿಸುವ ನೀನು
ಯೋಗ್ಯನೋ? ಅಯೋಗ್ಯನೋ?
ಯಾವುದೊಂದೂ ಅರಿಯದವ ನಾನು
ಯಾತನೆಯ ಬಗೆ ಹರಿಸುವವ ನೀನು

(3)

ಚಿಂತೆ ಇರುವುದು ನನ್ನ ಮನಸ್ಸಲ್ಲಿ
ಚಿರಕಾಲ ಬರೆಯುತ್ತಿರಬೇಕೆಂದು
ಚಿಕ್ಕವ ನಾನಲ್ಲವೇ ನಿನ್ನೆದುರಲ್ಲಿ?
ಚಿಕ್ಕದಾದ ಈ ಆಸೆಯ ಈಡೇರಿಸುವೆಯಾ?